#ЭвэлинийЦонх

Дал жигүүрээ дэлгэж Дэлхийн нөгөө өнцөгт хүрч явна Дахин инээмсэглэн эргэн ирэх Дотно гэрээ түр орхиж байна Ээжийн чанасан банштай цайны амт Эгэл сэтгэлд минь хоногшин үлдлээ Эргээд ирэхэд нөгөө хацар дээр нь үнсье гээд Энхрий ээж минь намайгаа үдлээ Нууцхан нулимстай аавын минь харц Намайгаа л гэх шиг мэгшинэ Нэг л өдөр аав нь хүрээд очно гээд  Наддаа аав минь амлаж захив Холын нутагт биеэ сайн бодоорой гэж Хонгор нөхөд минь надад захина Харин дүүгээ гэсэн ахын минь харц Хүссэндээ заавал хүрээрэй гэх шиг Хол байгаа ч та минь сэтгэлд минь гэж  Хамгаас хайрт дүү минь надад шивнэнэ Хайртай шүү тандаа гэсээр  Хаалганы цаанаас эгчийгээ үдлээ Эрдэм номыг шамдан сураад Энх тунх эргээд ирэхдээ Итгэл дүүрэн эх орондоо Энгүй их үйлсийг бүтээгээрэй гэж захисан та нарынхаа үгсээр Өнөөдөр би өөрийгөө хурцална аа...  2012.09.26

Охин үрээ хайрла! Омогдож загнахдаа ч хайрла! Охин үрээ хайрла! Ойворгон зэмлэхдээ ч хайрла! Нар ханын толгойд буухад хааяа нэг сэрэг, бүү зэмлэ Насаараа тэр чинь өглөө босох хүн, төрсөн гэртээ л нойр аваг Нар шингэж үдшийн хар чийг унатал найз нартайгаа дууладдаг Насаараа тэр чинь айлын голомт манаж морин төвөргөөн хүлээнэ Энхрий гарын нь хурууг чилтэл гэр зуураа зарахдаа Ээжийн цай уулгаж, аавын үгээр энхрийл Эцгийн гэрээс гармагц эрийн гарт нухлагдана Харийн газар одож хадмын нүүрийг царайчилна Насаараа уухгүй амтат цайг нялх багад нь гэрт нь уулга Насаараа амсахгүй жаргалыг нялх багад нь тоонотод нь эдлүүл Насаараа сонсохгүй энхрий үгийг нялх багад нь гамнахгүй хэл Насаараа нууж урсгах гашуун нулимсыг нь бодож цөөн уйлуул, охин үрээ! Хүний гэргий болох гэж гангар шаазан шиг хагарна Хүүхэн хонгор үрээ гарын алгандаа энхрийл Хүй орчлонгийн жамтай тэнцүүлж түүнээ хайрла Хөөрхөн хонгор аалинд нь эрхлүүлж түүнээ хайрла Үрийн эх болох гэж алтан заадал сална Үүлэн хонгор үрээ тэнгэрийн ма

Цуврал №1 "Америкт хөл тавьсан минь" Хэн ч намайг ийм тийм гэж шүүмжлэх эрхгүй, хэнийг ч юугаар ч ялгаварлан үзэж үл болох энэ Америк гэдэг улс Миний Монголын арай ядан хөгжиж байгаа өнгө төрхөөс хамаагүй хол давсан нь нүдэнд минь илтхэн. Эртний түүхийн тэр олон харгуй замын чухам алийг нь сонгоогүй гээд миний эх орон энэ улсаас тэгж их хойд хоцорчихсон юм бол оо? 21  настай ч жаахан харагдах миний бие Америкийн эх оронд ганцаар хөл тавихад найрсаг Америкчуудын инээмсэглэл угтаж, бахдан биширмээр соёл иргэншил өлмийн өмнө өндийн байсансан. Жаахан нүдэнд минь үл багтам агуу том харагдах энэ улс намайг их олон зүйлээр гайхшруулж байлаа. Эх оронд минь үзэгдэж харагдаагүй энэ ганган хээнцэр машин тэрэг, онгоц, онгоцны буудал, барилга байшинг үнэхээр л хүн төрөлхтөн бүтээсэн юм байхдаа гэмээр. Өөрийн биеэ яаая даа гэсэн хэрнээ 18 настай, хэл мэдэхгүй Хятад охинд тусалж, түүнийг унаанд нь суулгаж өгөхдөө сая нэг өөрийгөө арай том болсон юу гэлтэй. Өөрөөрөө жаахан ч