Юу ч мэдэхгүй хүн

Дуудлаа гээд
Дурлалт чи минь эргэж харна гэж үү дээ
Дурслаа гээд
Дутуу бүхнээ нөхөж чадна гэж үү дээ
Даслаа гээд
Дандаа намайг гэж байна гэж үү дээ
Дэндлээ гээд
Даанч чамайг хайрлахаа зогсоож дийлнэ гэж үү дээ...

Өвдлөө гээд
Өөртэй минь адилхан мэдэрнэ гэж үү дээ
Өрөвдлөө гээд
Өөдөсхөн намайг тэвэрнэ гэж үү дээ
Хэллээ гээд
Хүрээд ирэх билүү дээ дэргэд минь
Хүслээ гээд
Хайрлах билүү дээ намайг...

Гомдлоо гээд
Гутрах ч билүү миний өмнөөс
Гансарлаа гээд
Гаслах ч билүү миний төлөө
Хэлгүй үгтэй сэтгэлийг минь
Хээвнэг битгий тоо
Хэлсэн хэлээгүй зүрхийг минь
Хэзээ ч битгий өрөвд өө


Чи бол юу ч мэдэхгүй хүн
Чихэвчээ авлаа ч намайг сонсохгүй нэгэн
Чи бол надаас хол орших нэгэн
Чамд хүрлээ ч намайг ойшоохгүй хүн...
Мэдэхгүй чигээрээ л
Миний дэргэдээс холд
Мартсан чигээрээ л
Магад хэзээ ч бүү сана!

Comments

  1. UnknownDecember 8, 2016 at 11:47 PM

    Нэг бүрчлэн эхнээс нь дуустал уншлаа. Үнэхээр гоё блог байна. Дараагийн нийтлэлийг чинь тэсэн ядан хүлээе.

    ReplyDelete
  2. ПапатяаDecember 10, 2016 at 2:37 PM

    Маш их баярлалаа. Өөрт чинь бас амжилт ������

    ReplyDelete
  3. UnknownDecember 11, 2016 at 12:28 PM

    За ;)

    ReplyDelete
  4. UnknownDecember 11, 2016 at 10:14 PM

    Юм бичихэд чамд ямар мэдрэмж төрдөг вэ?

    ReplyDelete
    Replies
    1. ПапатяаJanuary 25, 2017 at 9:37 PM

      гэхээс илүү ямар мэдрэмж төрөхөөр бичмээр санагддаг вэ гэвэл илүү зохих юм байна надад... Бусад хүмүүсийн мэдэрдэг нийтлэг мэдрэмж биш зөвхөн надад л мэдрэгдэж байгаа сонин содон, яарч сандарсан, сэтгэл түгшсэн, онцгой мэдрэмж төрөхөөр бичмээр санагддаг. Бас хэт их гуниглаж, ганцаардахдаа бичдэг. :)

      Delete

Post a Comment

Popular posts from this blog

"Үүлс мэгшиж Уулс бөхийлөө..."

Image
Таныг өндийхөд цэлмэж байсан тэнгэр Таныгаа алдахад мэгшин уйллаа Таныг унахад бүүдийж байсан тэнгэр Таныгаа алдахад агсран цутгалаа... Хорвоод юу дутсан болоод Хосгүй нэгнээс нь аваад явчихдаг юм бол Хүмүүн бид юугаар илүүдсэн болоод Хүсээгүй нэгнээ өгөөд явуулчихдаг юм бол... Нүдээр үзэж, чихээр сонссон ч Нууцхан гунигт мэнд л юм шиг санагалзана Нэгийг бодож нөгөөг тунгаасан ч Нэхэж л таныгаа үгүйлэн дурсана... Эрт ч юм уу хожим ч юм уу Эргэж ирэхгүйгээр яваад л өглөө, Та минь Энд ч юм уу тэнд ч юм уу Эргэн дуурсах нэрээ л мөнхөллөө, Та минь Ургах наран манддагаараа мандав ч Урдаас угтах зам мөр нь зурайв ч Үүлс нь мэгшиж уулс нь бөхийлөө Үрс нь уйлж үндэс нь тасарлаа...  Гунирхсан сэтгэлээ илэрхийлж чадахгүй Гуравхан үгэнд багтаах гэж үзлээ Баярласан сэтгэлээ илэрхийлж байсан ч "Баяртай" гэж л хэлж л чадсангүй дээ...  #20190517 🙏
Цааш унших »

Уйлахгүй л бол...

Заримдаа мэдэх үү, уйлахгүй л бол болдоггүйг минь Зүсэж хэлсэн үг, зүхэж харсан харц чинь бодогдоод Зүгээр л асгартал уйлмаар санагддагийг Зөвхөн намайг хайрлаж, надад дурласан сэтгэл чинь Зөрөх төдийд өөр нэгэнд алдарсныг бодохоор Зүгээр л асгартал уйлмаар санагддагийг Чи мэдэх үү? Хүмүүс хэлнэ битгий гунигла гэж Хүслээр болдог бол чамайг би танидаггүй болохсон Хүмүүс намайг харна өрөвдөлтэй юм гэж Хагацлаар болдог бол чамтай би таарахгүй явахсан Хүчтэй бай гэж урамшуулж намайг загнана Хүнийх болсон чамайг бодохоор Хүч битгий хэл үг ч надаас гардаггүй Хүнийг битгий хэл өөрийгөө ч бодохыг хүсдэггүй Гомдол нэртэй мартаагүй миний сэтгэл Гуравхан үгний дайтай уйлчихдаг Би чамайг хайрласан он жилүүд "Би 2 дууссан" гэхээр замхарчихдаг... Надад өгсөн шархны чинь хөндүүр Нүдэнд минь тороод аргаад байдаг болохоор Сэтгэлээс чинь ирсэн сэлэмний үзүүр Цээжинд минь очоод хатгаад байдаг болохоор Би уйлчихдаг юм... Болно, бүтнэ гэж хувь заяаг минь сөрчихөөд Буудаллах төдийд замдаа гээчихдэ
Цааш унших »

Нисэж мэдэх шувуу байсан

Холын хол орхиод нисэхэд Хойноос чинь зүүгдсэн ч унахаас би айсан Хослон дуулаад хоёулаа явсан ч Хайрын нүд сохрохоос би эмээсэн Дурлалдаа дэндүү ихээр шатаад Дарсанд чамайг живчихвий гэсэндээ Даараад энгэрт чинь чанга тэврүүлээд Дасал болоод үлдчихвий гэсэндээ Дутуу хэлсэн үгийг чинь би гүйцээгээгүй юм Дундхан хийсэн хундагыг чинь би дүүргээгүй юм Давраад жаргалдаа ташуурчих юм шиг санагдаад Дараа нь эдлэх зовлонгоо чи даахгүй юм шиг бодогдоод Дээр тэнгэрлүү нисэж мэдэх Даль жигүүртэнтэй чамайг би зүйрлэлээ Доорх газарт унаж мэдэх Далавчгүй амьтантай өөрийгөө би зүйрлэлээ... 2018.11.12
Цааш унших »