Ээждээ

Шүүдрийн дуслаар цай чанаагүй ч
Сэтгэл минь таныг гэдэг ээжээ
Шижир алтаар таныгаа чимэглээгүй ч
Сувдан эрдэнэ шиг таныгаа хайрладаг ээжээ


Шинэхэн хувцсаар таныгаа гоёогүй ч
Сайхан сэтгэлээр тандаа ханддаг ээжээ
Шүлэг дуундаа таныгаа магтаагүй ч
Сэтгэлдээ таныгаа магтан дуулдаг ээжээ


Үр тань том болсон цагт
Үүрээр бүү зовниорой
Үргэлж таныхаа дэргэд байгаа цагт
Үрээ холдоно гэж бүү зовоорой


Энэ хорвоод тандаа л хайртай гэж
Элэг зүрхэндээ багтахгүйгээр хэлье
Энгэрт тань нөмөр болж
Энэхэн насандаа ачийг тань хариулъя !!!