Жаргалтай хүн

Ямар хүнийг жаргалтай вэ гэвэл
Яадаг ч байсан мөнгөтэй хүнийг хэлэхгүй
Янзын эдээр биеээ чимснийг хэлэхгүй
Ядуу байгаад баян болсныг ч бас хэлэхгүй ээ

Надад юм байна гэвэл
Найгаж гунхсан өндөр өсгийг хэлэхгүй
Нууж аргацаасан бор хэдэн цаасыг хэлэхгүй
Намайг л гэх ижий аавыг минь хэлнэ ээ

Холын хол одсон ч хүүгээ
Хоёр нүдээ чилтэл харуулдах ижий аавынхаа
Хонгор охинлуугаа хараад
Хоёр нүднийх нь
Харцанд нь жаргал тодорч инээмсэглэхийг
Харин би гагцхүү жаргал гэнэ ээ...